EUSKAL ESKOLA PUBLIKOAREN JAIA 2023 (MUNGIA)
Euskal Eskola Publikoaren 30. Jaia Mungian egingo da ekainaren 4an.
Jaia hiru gunetan banatuko da: ikastetxe publikoak (4 azpigune) Matxin plaza eta Torrebillela parkea. Gune horietan banatuko ditugu jarduera guztiak:
- Umeentzako jarduerak: Pirritx, Porrotx eta Marimotots, Goazen!, puzgarriak, (Ikastetxe publikoak), antzerkia, jolas kooperatiboak, puzgarriak (Torrebillela parkea), Gora bihotzak! antzerki musikala, perkusio tailerra, euskal mitologiari buruzko jolasak (Matxin plaza).
- Nerabeentzako jarduerak: graffiti tailerra, txalaparta tailerra, fun riders (ikastetxe publikoak).
- Kontzertuak: Kilimak, STR eta Oxabi (ikastetxe publikoak).
- Kirol-jarduerak: kirol egokitua, Athletic gunea (Ikastetxe publikoak).
- Adin guztientzako jarduerak: Mungiako memoria historikoa ezagutzeko ibilbidea, bertsoak, euskal dantzak, folk musika (plaza).
Giroa berotzeko hainbat ekintza ibiltari izango dira kaleetan zehar: Ondalan erraldoiak, batukada feminista, Eskola Publikoa kantari, artisauen erakusketak.
Aurreko egunean ere izango da zer ikusirik. Ekainaren 3an “Gure platera gure aukera gunea” izango dugu eta bi kontzertu arratsaldean: TOC eta Trikizio.
